Eneko Abasolo Txabarri 'Abarkas' - elkarrizketa 2023-11-03

«Uste dut oraindik geuretik zerbait eman genezakeela»

Eneko Abasolo Txabarri 'Abarkas' (Iurreta, 1976) izan da aste honetan Bizkaiko Txapelketako azken kanporaketako irabazlea Lekeition. Bertsoa.eus-i aitortu dio zalantza handiak izan zituela txapelketan izena emateko garaian baina azkenean pauso bat aurrera ematea erabaki zuen, beste leku batetik bada ere, oraindik bere ekarpena egin dezakeela usteta.

Lekeition hasiera gazia izan zuen bertsotan eta bukaera gozoa, bereziki azken bi ariketetan. Burua eta gorputza libre sentitu zituen bertsotarako eta finalaurrekora ere aldarte horrekin joan nahi luke. Abarkasek badaki zer den Bizkaiko finalean kantatzea baina helburu horiek burutik kenduta joango da Berrizera. Bertsoa.eus-ek jaso ditu bere hitzak.