Nafarroako Bertsolari Txapelketa 2023-11-09

Nafarroako bigarren finalaurrekoa larunbatean Agoitzen

Nafarroako Txapelketako bigarren finalaurrekoa jokatuko da larunbatean Agoitzen, 17:30etan kultur etxean. Azken aurrekoa izango da. Sei bertsolari ariko dira kantuan: Julio Soto Ezkurdia, Xabat Illarregi Marzol, Idoia Granizo Uribarrena, Ekain Alegre Gil, Julen Zelaieta Iriarte eta Urko Gartzia Aleman, Maialen Belarra aurkezle dela. Epaile lanetan, bosteko taldea: Amaia Telletxea, Cesar Etxeberria, Mikel Beaumont, Nerea Bruño eta Saioa Mitxelena. Antolakuntzatik iragarri dutenez, sarrera gutxi batzuk besterik ez dira gelditzen.

Saioko irabazlea zuzenean sartuko da finalera. Oraingoz, Saioa Alkaizak eskuratu du txartel hori, Altsasuko saioa irabazita. Azken finalaurrekoa, Lesakan, azaroaren 19an.