Larunbatean Lemoatik, 17:00etan hasita 2023-11-23

Bizkaiko azken finalaurrekoa zuzenean Bertsoan

Bizkaiko Txapelketako azken finalaurrekoa zuzenean eskainiko du Bertsoa.eus-ek larunbatean Lemoatik. Kantuan, egungo txapelduna, Nerea Ibarzabal Salegi, aurreko finalista, Onintza Enbeita Maguregi eta kanporaketetaik sailkatuta, Oihana Bartra Arenas, Ibai Amilllategi Ormaetxebarria, Josu Aramendi Perez eta Aissa Intxausti Aburruza. Gai-jartzaile lanetan Idoia Anzorandia Kareaga ariko da. Saioa udal kiroldegian jokatuko da, 17:00etan hasita eta sarrera denak salduda daude asteartetik.

565 puntutik gora langa
Bi finalaurreko jokatuta, Miribilarako txartela eskuratu dute Xabat Galletebeitiak eta Jone Uriak, Berriz eta Santurtziko saioak irabazita, hurrenez hurren. Lemoako irabazlea ere zuzenean sailkatuko denez, honako hauek dira puntuazioz sailkatzeko aukerak dituztenak, hurrenkera honetan: Gorka Pagonabarraga (604 puntu), Aitor Etxebarriazarraga, (585,5), Txaber Altube (576), Aitor Bizkarra (574,5) eta Unai Mendiburu (565). Horiek dira Lemoako saiotik puntuen baitan pasatzeko gainditu beharreko langak.

Epaile lanetan ariko direnak: Ander Arrien Aspiazu, Ander Txakartegi Basterretxea, Joseba Santxo Uriarte, Jurgi Fuentes Goikoetxea, Leire Etxebarria Gaztelu, Mirari Azula Aurrekoetxea eta Miriam Juaristi Urizar. Idazkari beharretan, Itziar Basterretxea Olarreaga.