Josu Sanjurjo Altzuri - Nafarroako finalista 2023-11-23

«Pozetik eta arduratik sentitzen dut finala»

Josu Sanjurjo Altzuri (Lesaka, 1993) bertsolariak «poz izugarria» hartu du finalean sartuta baina arduratik ere bizi du. Bere ustez, aurtengoa bereziki maila handiko finala izango da jendea asko prestatu delako eta berak ere horri eutsi nahi lioke, bere aurreko finaleko saioa onduta. Txapelketan zentratzen kosta egin zaiola aitortu du eta finalean aske eta ahalik eta diztiratsuen aritu nahi luke bertsotan, denen artean final eder bat egiteko.