Bizkaiko bertsolari txapelketa 2023-11-25

Nerea Ibarzabal irabazle azken finalaurrekoan eta finalistak erabakita

Bizkaiko Txapelketako azken finalaurrekoa jokatu da Lemoan eta erabakita gelditu dira abenduaren 16an Miribillan izango diren zortzi finalistak. Nerea Ibarzabal gailendu da 638 punturekin eta azken saiotik lau sartu dira finalera. Sarrera guztiak agortuta jokatu da azken saioa eta lan puntuagarriak eginda honela gelditu da sailkapena:

Nerea Ibarzabal Salegi -------------638 puntu
Onintza Enbeita Maguregi --------- 633,5
Oihana Bartra Arenas ------------- 610,5
Aissa Intxausti Aburruza----------- 580
Ibai Amillategi Ormaetxebarria----571
Josune Aramendi Perez -----------567,5.

Honenbestez, honako zortzi bertsolari hauek ariko dira finalean: Xabat Galletebeitia, Jone Uria, Nerea Ibarzabal, Onintza Enbeita, Oihana Bartra, Gorka Pagonabarraga, Aitor Etxebarriazarraga eta Aissa Intxausti. Aissa Intxausti izango da finalista berria. Lehenengoz, bost emakume bertsolari ariko dira herrialdeko txapelketako final batean, Bizkaian. 

Finalaurrekoetako sailkapena