2024an jokatuko da 2023-11-29

Gipuzkoako Txapelketarako izen-ematea zabalik da

Gipuzkoako Txapelketarako izen-ematea zabalik da
Udaberrian jokatuko da sailkapen fasea. Abenduaren 17ra artekoa da epea.

Pandemiak lau urteko zikloa bostera igaroarazita, 2024ko udazkenean jokatuko da Gipuzkoako Bertsolari Txapelketa eta udaberrian sailkapen fasea apririletik ekainera. Gipuzkoako Bertsozale Elkarteak izen-ematea zabaldu du eta abenduaren 17 artekoa izango da, honako formulario hau beteta.

Eskatzen diren baldintzak dira 18 urte beteta edukitzea edo 2024an betetzea, Bertsozale Elkarteko bazkide izatea (izena eman ondoren ere bazkidetu ahal izango da sailkapen fasera apuntatu den pertsona) ta ezarritako epearen barruan eta antolakuntzak adierazitako bideetatik eman beharko da izena.

Edozein zalantza izanez gero, idatzi gipuzkoakotxapelketa@bertsozale.eus helbidera edo deitu 747408577 telefonora.

Gipuzkoako Bertsozale Elkarteak adierazi du, aurreko edizioetan bezala, 2019ko Gipuzkoako Bertsolari Txapelketako finalistek eta finalaurrekoetan kantatu zuten bertsolariek ez dute sailkapen fasea jokatu beharrik izango, jada eskuratuta baitaukate 2024ko Gipuzkoako Bertsolari Txapelketan kantatzeko eskubidea.

Albiste gehiago

Oier Suarez Hernando - Bertsolari Bertsozale podkasta 2024-02-23

«Niretzat bertso eskolak balio izan zuen euskararako zubi lana egiteko»

Larunbat gauean 21:00etan ETB1en 2024-02-22

Hitzetik Hortzera doinutegian murgildurik

Bertsoa oinarri duen ikuskizun berria 2024-02-21

Itzal(iko) bagina: Zeharkatu gaituena performatzen

Larunbat gauean 21:00etan ETB1en 2024-02-15

Libertimendua Hitzetik Hortzeran

Bertso Eguna Gernika-Lumon 2024-02-08

Bertso Eguneko poteoko bertsoak