Julio Soto Ezkurdia - Nafarroako Txapelduna 2023-12-06

«Nafarroako bertsogintzan oholtzan gertatu da loraldia baina saio asko galtzen ari dira»

Julio Soto Ezkurdiak, Nafarroako bere seigarren txapela jantzi berri, Nafarroako finalaren eta Nafarroako bertsogintzaren irakurketa utzi ditu Bertsoa.eus-en. Finaleko bertso mailaren inguruan, bertsolariak egiten ari diren lana azpimarratu du, profil berrien ilusio, lan eta erakarmen indarra bereziki. Baita bertsogintza hori geografikoki zabaldu izana ere. Horrek publikoarengan izan duen eragina ere azpimarratu du txapeldunak.

Baina «Nafarroako bertsogintzan gertatu den loraldia ez da hainbestekoa izan oholtzapean», Sotoren hitzetan. Bere datuen arabera, azken lau bost urteetan plaza asko galdu da Nafarroan eta galtzen ari dira. Berriak, aldiz, bakanak. Eta Sotok ez du uste egoera hau Nafarroakoa bakarrik denik. Egoera horri heldu beharra azpimarratu du eta dagoeneko Nafarroako Elkartean horren inguruko lantalde bat osatu dutela adierazi du.

Ordubeteko elkarrizketa luzean, Julio Sotok bere bertsolaritza bidearen eta ikuspegiaren lekukotza eta argazki zabala utzi ditu.