Larunbat gauean, 21:00etan ETB1n. 2024-01-05

Aitor Mendiluzeren bertso ibilbidea Hitzetik Hortzeran

Hitzetik Hortzerak Aitor Mendiluzeren bertso ibilbidearen errepasoa egingo du, Mirari Martiarenaren eskutik. Bertsozaletasuna, amak bertso eskolara eramandako eguna eta Hernaniko bertso eskolan topatutako giroa ondo gogoan ditu oraindik ere Aitor Mendiluzek. Baita ondoren etorritako Eskolartekoak eta txapelketak ere.

Bitan irabazi du Gipuzkoako Bertsolari Txapelketa Aitor Mendiluzek, 1995an eta 2007an. Zazpi Txapelketa Nagusitan ere parte hartu du eta 2001etik 2022rako final guztietan egon da. 2017an buruz burukoa jokatu zuen Maialen Lujanbiorekin. Baina postuez haratago, txapelketara bertsotara egitera joaten da Aitor Mendiluze.

Bertsolaria izateaz gain, hezkuntza arautuan bertsolaritzako irakaslea da Aitor Mendiluze eta transmisioari buruz ere hitz egiteko tartea hartuko dute. Baita bertso doinuei buruz aritzekoa ere. Izan ere doinu desberdinak erabili zalea da Mendiluze. Inguruan dituen bertso-eskolako lagunak ere hala dira eta doinu zaharrak berriz erabilizalea eta ikasizalea da.

Kontu guzti hauek errepasatuko dituzte Aitor Mendiluzerekin Hitzetik Hortzeran, bere ibilbideko bertsoak gogora ekarriz.

Hitzetik Hortzera, larunbatera 21:00etan, ETB1n.