12:00etan zornotza Aretoan 2024-01-09

24. Bertsoderbia Zornotzan zapatuan

Amasa-Villabonan izan zen Bertsoderbiaren joaneko saioa eta Zornotzan jokatuko da itzulerakoa zapatu honetan, Athletic eta Realaren arteko derbiaren egunean. Bertsotan: Andoni Egaña, Igor Elortza, Onintza Enbeita, Beñat Gaztelumendi, Alaia Martin eta Anjel Mari Peñagarikano, Xabier Irakulisek gaiak jarrita. Athletic Club fundazioak antolatzen du saioa, Lanku bitartekari dela. Sarrera doan da.

Sarrera doakoa, eta www.bertsosarrerak.eus webgunean eskuragarri
Bertsoderbirako sarrerak doan dira baina hartu egin behar dira. www.bertsosarrerak.eus atarian daude eskuragarri.

Euskal kultura eta euskara sustatzea du helburu
Bertsoderbia Athletic Club Fundazioaren kultur ekintzetako bat da, eta bertsolaritza, euskal kultura eta euskara sustatzea du helburu, baita lehia mota jakin bat aldarrikatzea ere: osasuntsua, dibertigarria eta burutsua, antolakuntzatik adierazi dutenez. Zentzu horretan, Real Sociedad Fundazioaren laguntzarekin antolatu da Bertsoderbia, Athletic Club Fundazioak bere laguntza eskertu nahi baitio.