Koldo Gezuraga Seijido - Lilibertso bertso eskolako kidea 2024-01-25

«Bertso Eguna ederra izango da»

Koldo Gezuraga Seijido Lilibertso bertso eskolako kideak larunbateko Bertso Eguna ederra izango dela adierazi du eta jendea Muxikara eta Gernika-Lumora joateko gonbidapena egin du. Udazkenetik ari dira Bertso Egunaren prestakuntza lanetan Euskal Herriko Bertsozale Elkartea, Bizkaiko Bizkaiko Bertsozale Elkartea eta Lilibertso bertso eskola. Gezuragak adierazi du Gernika-Lumon egiteko gonpidapena aitortza gisa hartu dutela eta eskualdeko bertsolaritzari ikusgarritasuna emango diola larunbatekoak. Lanerako talde zabala osatu da bertso eskolan eta gogotsu aritu dira larunbatekoa prestatzen.

Garriko bertso eskolari aitortza
Bertso Egunaren hasierako ekitaldia Muxikan egitea ere azpimarratu du Gezuragak. Garriko bertso eskola historikoaren kabian izango da hasiera ekitaldia eta ondoren Gernika-Lumon jarraituko du jaiak. 

Astra faktorea
Bertso Eguneko ekitaldi nagusiak Astran egingo dira: bazkaria, jaialdia eta ondorengo festa. Duela 18 urte okupatu zuten arma fabrika izan zena eta bertsolaritzak hasieratik izan du bere txokoa Astran. Gezuragak kontatu duenez, hortxe sortu zen eskualdeko bertso eskola eta Lilibertsoren bilgune izaten jarraitzen du. Urtean zehar hainbat bertso ekitaldi ere egiten dira Astran. Larunbatean bertsolaritzako ekitaldi nagusienetako bat hartuko du Gernika-Lumoko kultur guneak.