Otsailaren 18 arte 2024-02-05

Bizkaiko Taldekakoan izen-ematea zabalik

Badator Bizkaiko Taldekakoaren laugarren edizioa eta gaur zabaldu dute izen-ematea, otsailaren 18ra arte. Bizkaiko Taldekakoa giro informalean eta jai giroan gauzatzen da, bere helburu nagusia bertsoaren ekosistema indartzea da: «Taldekakoak oinarrian eragin gura du, bertso-eskolak eta eskualdeak indartuz». Bizkaiko Bertsozale Elkarteak ere, plaza informalak sortu gura ditu, besteak beste, bertsolari hasi berriei plazarako bidea errazteko asmoz.

Bizkaiko Taldekakoa martxoaren 15ean hasiko da eta maiatzaren 25ean jokatuko dira finalaurrekoak eta finala, dena jarraian. Azken urteetako legez, bi Bizkaiko Eskolarteko finalaren egun berean izango da.

Taldeek gutxienez sei lagunekoak izan behar dute eta funtzio hauek bete: hiru bertsolari, gai-jartzaile bat, epaile bat eta azpiegitura edo komunikazioko kide bat. Dena dela, gutxienez, zortzi parte hartzaile izatea gomendatzen du Bizkaiko Elkarteak.