Arabako Bertsozale Elkarteak eta Hala Bedi Irratiak antolatu dute 2009-11-06

Gaur hasiko da Betxoko sariketa

 Aurten ere Bertxoko sariketa jokatuko da. Arabako Bertsozale Elkarteak eta Hala Bedi Irratiak antolatutako ekimena da. 25 urte arteko Arabako bertsolari gazteei saioak ematea da helburua. Horretarako, beste herrialdeetako bertsolariekin nahasten dituzte, esperientzia hartze aldera.

 Orain dela bi urte jokatu zen lehenengo aldiz txapelketa hau. Ordura arte Bagare saria jokatzen zen.

 Bertsolariek ariketa bereziak egin beharko dituzte. Hasierako agurra puntuagarria izango da, eta kantu ezagun baten doinuan egin beharko dute. Horrez gain, bakarkako lanean argazki bati kantatu beharko diote bertsolariek. Finalean, berriz, bideo bat izango dute gaia. 10eko txikiko lana kartzelan egingo dute, eszena baten barruan kokatuta.

 Hiru kanporaketa jokatuko dira, 18 bertsolarirekin:

 AZAROAREN 6a, OSTIRALA
 Izarrako Gaztetxean, 20:30etan
  Iñaki Viñaspre
  Jagoba Apaolaza
  Mikel Artola
  Saioa Alkaitza
  Ekhi Erremundegi
  Maddalen Arzallus
   Gaiak Lierni Altunak jarriko ditu

 AZAROAREN 13a, OSTIRALA
 Zalduondoko txokoan, 20:30etan
  Miren Amuriza
  Ander Solozabal
  Izar Mendiguren
  Jokin Labayen
  Jon Elizetxe
  Xabi Igoa
   Andere Arriolabengoa izango da aurkezle

 AZAROAREN 19a, OSTIRALA
 Gasteizko Errexala elkartean, 20:30etan
  Ekaitz Samaniego
  Enaitz Alustiza
  Aitor Urbieta
  Julio Soto
  Jone Uria
  Iker Agirre
   Gai-emailea Idoia Beitia izango da

 Finala ABENDUAREN 4an jokatuko dute, ostiralez, Aramaioko Iturrieta sagardotegian iluntzeko 20:30etan. Manex Agirre izango da aurkezle. 

• 
•