Ostegunean eta larunbatean izango da ikusgai 2009-10-21

Txapelketako saioak emango ditu Hitzetik Hortzerak

 Aste honetan ere Euskal Herriko Txapelketa Nagusiko saioak izango dira ikusgai Hitzetik Hortzeran. Larunbatean Uztaritzen izan zen saioa, eta honako bertsolari hauek kantatu zuten bertan:

 Beñat Gaztelumendi
 Arkaitz Estiballes
 Aitor Sarriegi
 Xabi Paya
 Unai Muñoa
 Erika Lagoma

 Igandean, berriz, Zarautzen jokatu zen kanporaketa. Honako bertsolari hauek kantatu zuten bertan:

 Iker Zubeldia
 Iratxe Ibarra
 Unai Agirre
 Joxe Munduate
 Xabier Silveira
 Oihane Perea

 Saioaren amaieran, puntuazioak ematerako orduan, Silveirak oholtzatik alde egin zuen, puntuazioarekin haserre. Ondoren itzuli eta, damututa, barkamena eskatu zuen Hitzetik Hortzerako kameren aurrean. Adierazpen horiek ere emango ditu programak.

 Bestalde, bestelako atalak ere izango ditu aste honetako programak. Zuri-beltzekoan Egileor agertuko da kantaru, eskopeta hartuta. Egunkaria auziari buruzko bertsoak ere emango dituzte.

 Hitzetik Hortzera bi egunetan ematen du ETBk. Ostegunean gaueko 22etan izango da, ETB3n. ETB1en, berriz, larunbatetan ikusi ahal izaten da, eguerdiko 13etan.

• 
•