ALBEren egoitzan 2009-10-27

Dezimari buruzko ikastaroa izango da gaur Algortan

 Algortako Bertsolari Eskolak (ALBE), dezimari buruzko ikastaroa antolatu du gaurko, ALBEren egoitzan, iluntzeko 20etan.

 Dezima Iberoamerikako inprobisazioaren estrofa nagusia da. Horren inguruko azalpenak Wilson Saliwonczyk payadore argentinarrak emango ditu, gaztelaniaz. Wilson Saliwonczyk lehen ere izana da Euskal Herrian. 2007an saio bat egin zuen Paya anaiekin batera Piper`s tabernan. Gainera, 2008an Paya anaiek bira bat egin zuten Uruguay, Brasil eta Argentinan barrena, Maialen Lujanbiorekin batera. Bidaia hartan Saliwonczyk izan zuten gidari.

 Ikastaroan zazpi aztergai nagusi landuko dira:

  -Dezima zerotik hasita: estrofaren eskema eta sorkuntza-teknikak.
  -Dezimaren barne azterketa: estrofen barneko antolaketa eta funtzionamendua.
  -Errima: pizgarri bihurtutako traba.
  -Aldez aurreko estrategia eskematikoak: oroimen librea eta oroimen lotua.
  -Inspirazioaren motorrak: piztu ezin direnak eta itzali ezin direnak.
  -Inprobisazioa, etenik gabeko lapsusa: "bururatzen zaidan lehen gauza" vs "autozentsura etengabea".
  -Gogoa, beldurra, norberaren segurtasuna, lan ideologikoa.

 Argibide gehiago nahi izanez gero sartu hemen. Bestela, deitu telefono honetara: 605 704 385. Honako helbide elektroniko honetara ere idatzi daiteke: albegetxo@gmail.com

• 
•