June Aiestaran Iparragirre - elkarrizketa 2024-04-15

«Eskolartekoak oso oroitzapen polita utzi dit»

June Aiestaran Iparragirre bertsolari besaindarrak ostiralean esan zion agur Gipuzkoako Eskolartekoari, hirugarren txapela jantzita. Aitortu du parte hartze bakoitza oso desberdin bizi izan duela baina oso oroitzapen ederra utzi dio. Zikloa isteko Euskal Herriko finala izango du ekainaren 15ean Arantzan.

Aiestaranek txapelketarekin hurrengo hitzordua Gipuzkoako Txapelketan izango du, udaberriko sailkapen fasean. Lehen aldia izaki, «probatzera» joango dela adierazi du.