Ostiralean jokatu zen Lasturren 2024-04-15

June Aiestaran Gipuzkoako Eskolarteko txapeldun

Gipuzkoako Eskolarteko Txapelketa jokatu zen ostiralean Lasturren. Sei bertsolari gazte aritu ziren kantuan: Kattalin Arabolaza (Xenpelar), June Aiestaran (GoiBe-Harituz), Sustrai Goenaga (GoiBe), Danel Etxeberria (Harituz), Joanes Azpillaga (Erniarraitz) eta Egiar Otegi (Xenpelar).

June Aiestaran bertsolari beasainsarrak irabazi zuen txapela hirugarrenez jarraian eta Joanes Azpillaga azpeitiarra sailkatu zen bigarren. Biek Euskal Herriko finalean kantatuko dute ekainaren 15ean Arantzan.

Irabazleari Laxaro Azkunek jantzi zion txapela Erniarraitz Bertsozale Elkartearen izenean, bertso-eskolak 25 urteotan egin duen lanaren aitortzan.

Bertsoa.eus Gipuzkoako Eskolarteko finalean izan zen eta astean zehar sarean jarriko ditu Euskal Herrikorako sailkatu diren bi bertsolarien adierazpenak eta finaleko bertsoak.