None 2024-04-18

Bizkaiko Taldekakoaren bi saio zapatuan Leioan eta Urdulizen

Bizkaiko Taldekakoak aurrera jarraitzen du eta zapatuan izango dira hurrengo bi kanporaketak Leioan eta Urdulizen.

Leioako kanporaketan Leioatik Leiora etxeko taldea eta Busturialdeko Troiako zaldia batuko dira. Hiru saio egingo dituzte: 19:00etan izango da lehenengoa Sustraian, 20:30ean bigarrena Udondon eta 22:00etan azkena Kurkudin.

Urdulizko saioa, berriz, 19:30an hasiko da Txiberrin. Bertan lanak amaituta, Bastenarako bidea hartuko dute taldeek. Kanporaketa honetan parte hartuko duten taldeak eskualdeko Pirata bertso-taldea eta Durangaldeko Durangalduek taldeak izango dira.

Saio bakoitzeko irabazlea zuzenean sailkatuko da maiatzaren 25ean Arrigorriagan jokatuko diren finalaurrekoetara.