Larunbat honetan ospatuko dute 2009-10-27
Iruñerriko bertso-eskolak bi urte bete ditu
Iruñerriko bertsozaleen bilgune izateko sortu zen. Ospatzeko, bertso-poteoa eta bertso-bazkaria egingo dituzte Iruñean.
Bi urte beteko dira aurten Iruñerriko bertso-eskola sortu zenetik. Iruñerriko bertsozaleen bilgune izateko sortu zuten bertso-eskola, eta ordutik hainbat ekimen burutu dituzte.Hori ospatzeko, bertso-eskolaren eguna egingo dute larunbatean Iruñean. Eguerdiko 13etan hasiko da festa, bertso-poteo batekin. Iruñeko Alde Zaharrean egingo da poteoa, Mercaderes plazako Iruñazarra tabernatik abiatuta. Ondoren, 14:30etan hasita, bertso-bazkaria egingo dute Arrano Elkartean. Julen Zelaieta eta Iker Zubeldiak kantatuko dute bertan. Bazkarirako txartelak Iruñazarra, Karrakiri eta Nafarroako Bertsozale Elkartean daude salgai, 20 eurotan.
