'Emakumeen haria' jaialdia Amasa-Villabonan 2024-06-12

Puntada finak 'Emakumeen haria' ekialdian

Bertso puntada finek josi zuten Emakumeen haria bertso jaialdia, bertara bildu zen publikoaren gozamenerako. Amaia Agirrek gidatuta, Oihana Iguaran, Nerea Ibarzabal eta Alaia Martin aritu ziren kantuan bat-batean. Bertso historikoak Naiara Arreseigor eta Jexux Mari Irazuk kantatu zituzten, Maider Iñurritak musikaz lagunduta. Subijana Etxeko ohial fabrikan aritu ziren emakumeen bizimoduari lotutako gaiak izan ziren ardatz, garaian kokatuta zein gaur egunera ekarrita.

Aurretik, Subijana Etxean ekitaldia egin zen ohial fabrika zenean lanean aritu ziren emakumeak protagonista zirela. Jaialdiaren aurretik, Izaro Lizarraga eta Arantxa Orbegozok egindako horma irudia aurkeztu zuten eta Maialen Lujanbiok irudi horretarako sortutako bertsoa kantatu zuen Amaia Agirrek, Maider Iñurritak musikaz lagunduta.


Datozen egunetan, ekitaldiko bertso hautaketa zabala eskainiko du Bertsoa.eus-ek.