Jon Enbeitak diskoa aurkeztuko du 2009-10-29

Laudioko saioa botako du Hitzetik Hortzerak

 Aste honetan ere txapelketak garrantzi handia izango du Hitzetik Hortzeran. Joan zen larunbatean Laudion jokatu zen azkeneko kanporaketa, eta saio horri tartea eskainiko diote. Honela gelditu zen sailkapena:

 1.- Miren Amuriza
 2.- Fredi Paia
 3.- Jon Martin
 4.- Onintza Enbeita
 5.- Arkaitz Oiartzabal "Xamoa"
 6.- Iñigo Izagirre

 Igandean, berriz, Aulestin bertso-saioa egin zuten Lea-Artibai eta Mutrikuko Hitzaren alde. Saio hori ere emango dute aste honetako programan. Honako bertsolari hauek kantatu zuten bertan:

 Igor Elortza
 Iratxe Ibarra
 Unai Iturriaga
 Maialen Lujanbio
 Iker Zubeldia
 Miren Amuriza

 Joan zen astean Errenterian Xenpelarri omenaldia egin zioten bertso-eskolako kideek, eta horren berri ere emango du Hitzetik Hortzerak.

 Bestalde, Jon Enbeita erredakzioan izango da. Urte hasieran aurkeztu zuen "Hainbeste, hain gitxi" izeneko diskoa, eta hori aurkeztuko du. Gainera, programan bertan abesti batzuk kantatuko ditu.

 Azkenik, erreportaje berezi bat ere izango da ikusgai: Alemaniako telebista batek bertsolari bizkaitarrei buruz egindakoa.

 Astero bezala, bi egunetan ikusi ahal izango da programa: gaur, gaueko 22etatik aurrera, ETB3n, eta larunbatean, eguerdiko 13etan, ETB1en.

• 
•