Maialen Lujanbioren emanaldi berria 2024-06-21

rr_6_ erre(AH)ala: buztina lokatzari buruz eta zerbait gehiago

rr_6_ erre(AH)ala lan berria ondu du Maialen Lujanbiok eta Bergarako Kartzela Zaharrean eskaini zuen atzo. 'rr 5# marrak. Garaiaren erradiografia mugitu bat emanaldiaren haritik doa baina pieza artistiko berriak dakartza, emanaldi bakoitzaren arabera moldatzen eta konbinatzen dituen piezak. Artearen esentzia, funtzioa eta egungo gizartearen eta munduaren zenbait ardatzen inguruko gogoeta artistikoa egiten du Lujanbio, bertso, hitz lau, mugimendu, soinu eta irudiekin jantzia eta performatua.

Bergarako Gaztetxea erabat bete zen eta gogoz eskertu zuen Lujanbioren lana.

Ekainaren 26an Lekeition, eta uztailaren 18an Usurbilen
Ekainaren 9an eman zuen lehena Elizondon eta ekainaren 26an izango da hurrengoa Lekeition, Azkue Aretoan, 20:00etan. Uztailaren 18a, Usurbilen izango da oraingoz iragarri duen azkena, Aginagako Eliza zaharrean 19:30etan. Udazkenean jarraitzeko aukera zabalik utzi du Lujanbiok.