Onintza Enbeita Maguregi - UIK-en emandako hitzaldia 2024-07-22

«Botere harremanak. Bertsolariaren itzalaren eta generoaren eragina bertsoaren balioespenean»

Onintza Enbeita Maguregik botere harremanen gaia dakar hizpide: Botere harremanak. Bertsolariaren itzalaren eta generoaren eragina bertsoaren balioespenean. «Bertsolariak plazaz plaza egiten duen bidean hiru osagaik elkar eragiten dute etengabe: bertsolariak, bertsokideek eta publikoak. Hiruren artean botere-harremanak sortzen dira; bertsolaritza ez dago horretatik salbu. Jakina, bertsolariaren itzalak eta generoak eragina dute harreman horien sorkuntzan, baita ere bertsolariaren sorkuntzari ematen zaion garrantzian. Generoaren eraikuntzaz eta eraginaz asko hitz egiten dugun arren, bertsolariaren itzalaren eraikuntza ere ez da ausazkoa. Zerk autorizatzen eta desautorizatzen du bertsolaria? Harremanak modu horizontalagoan eraiki nahi baditugu, deseraiki egin beharko dugu itzala orain arte ulertu dugun moduan».