Aitor Tatiegi Loidi - Lizardi Sariko txapelduna 2024-09-09

«Gipuzkoako Txapelketan korronte berriak sartuko dira eta uste dut ekarpen bat dela hori»

Aitor Tatiegik poz handiz hartu du 48. Lizardi Sariko txapela irabazi izana. Aurten zazpi aldiz bigarren egitea egokitu zaio eta, bigarren egitearen balioa garbi utzita, zortzigarrenean iritsi zaio gindatxoa oñatiarrari. Finala «bikaina» baino «apaina» izan zela bota zuen zuen bukaerako agurrean, bereziki hasierako urduritasunak eraginda.

Hasierako eta bukaerako agurretan, besteak beste, Gipuzkoako Txapelketa izan zuen aipagai Tatiegik. Saio ondorengo elkarrizketan aitortu zuen lan eginda doala. Era berean, aipatu zuen aurtengo edizioak «korronte» berriak ekarriko dituela eta ekarpen bat dela hori. Gazteek bertsoa funtzio bat lotuta ikustea eta hor lan egitea ere balioan jarri du bertsolari oiñatiarrak.