Gipuzkoako Txapelketa - Oihana Iguaran Barandiaran 2024-10-31

«Badaukat gogoa beste pauso bat emateko»

Oihana Iguaran Barandiaranek Irungo final-laurdeneko balorazioa egin eta aurrera begirako asmoak aletu ditu Bertsoan. Irunen saio ona joan zuela uste du bertsolari amasarrak eta plaza lehertzea ere lortu zutela bertsolariek. Aurtengo txapelketari gogotsu heldu dio Iguaranek eta bere bertso bidean pauso bat emateko gogoa duela azaldu du eta horretarako lanean diharduela. Azken finalaurrekoan kantatuko du Arrasaten abenduaren batean.