Gipuzkoako Txapelketa - Finalaurrekoak 2024-11-19

Bigarren finalaurrekoa Zarautzen igandean

Igandean jokatuko da Gipuzkoako Txapelketako bigarren finalaurrekoa Zarautzen eta irabazlea zuzenean sartuko da finalera. Sei bertsolari hauek ariko dira kantuan:

    Alaia Martin Etxebeste
    Amaia Iturriotz Etxaniz
    Aner Peritz Manterola "Euzkitze"
    Eneko Araiztegi Agirre
    Eneritz Artetxe Eizagirre
    Unai Mendizabal Jauregi

Seitik hiru finalaurrekoetan lehen aldiz
Aner Euzkitzek, Eneritz Artetxek eta Eneko Araiztegi Kortak lehenengo aldiz kantatuko dute Gipuzkoako finalaurrekoetan. Fase honetako gazteena ere Zarautzen izango da, Aner Euzkitze, 22 urterekin. Gai-jartzailea Ion Zaldua Brit ariko da. Epaile lanetan, berriz, honako hauek: Bakarne Urreaga Etxeberria, Eneritz Azkue Basurko, Karlos Ibarguren Olalde, Leire Beloki Lizarralde eta Mikel Lersundi Ayestaran. Idazkari lanetan Aratz Irazustabarrena Garmendia.

Saioko sarrerak bertsosarrerak.eus atarian daude eskuragai, eta Aritzbatalde Udal Kiroldegiko txarteldegian, egunean bertan, aurretik agortzen ez badira.

Bertsoa.eus-en eta ETB4n zuzenean jarraitu ahal izango da.

Hirugarren eta azken finalarrekoa abenduaren 1ean jokatuko da Arrasaten: Kantuan, Oihana Iguaran, Andoni Rekondo, Maider Arregi, Eñaut Martikorena, Iñigo Mantzisidor Mantxi eta Agin Laburu, Imanol Artolak gaiak jarrita. Seikote honetan Maider Arregi eta Andoni Rekondo izango dira Gipuzkoako finalaurrekoetan lehenengoz kantatuko dutenak.