Gipuzkoako Txapelketa - Finalaurreak 2024-11-24

Alaia Martin Gipuzkoako bere laugarren finalera, Zarauzko finalaurrekoa irabazita

Alaia Martin Etxebestek irabazi du Gipuzkoako Txapelketako bigarren finalaurrekoa 544,5 punturekin eta bere laugarren finalerako txartela irabazi du bertsolari oiartzuarrak. Eneritz Artetxe gelditu da bigarren eta bere itzuleran Gipuzkoako finaleko aukerekin gelditu da, 519,5. Aner Euzkitzek 512 eskuratu ditu. Hona hemen sailkapena:


Alaia Martin Etxebeste ---------------------------------------------- 544,5
Eneritz Artetxe Eizagirre -------------------------------------------- 519,5
Aner Peritz Manterola "Euzkitze" --------------------------------  512
Unai Mendizabal Jauregi ------------------------------------------- 504,5
Amaia Iturriotz Etxaniz ---------------------------------------------- 493,5
Eneko Araiztegi Agirre ----------------------------------------------- 462



Gai-jartzaile lanetan Ion Zaldua Brit aritu da. Epaile, ostera, hauek aritu dira: Bakarne Urreaga Etxeberria, Eneritz Azkue Basurko, Karlos Ibarguren Olalde, Leire Beloki Lizarralde eta Mikel Lersundi Ayestaran. Idazkari lanetan Aratz Irazustabarrena Garmendia ibili da.

Datorren saioa datorren igandean, abenduaren 1ean, jokatuko da, Arrasaten. Saioa bukatzearekin bat, finalean abestuko duten zortzi bertsolarien zerrenda ezagutuko dugu. Arrasaterako sarrerak, betiko moduan, bertsosarrerak.eus atarian daude, eta aurretik agortzen ez badira, Uarkape pilotalekuko txarteldegian, egunean bertan.