Atzo jokatu zen Azpetian, 175 lagunen beroan 2025-04-05

Egiar Otegi txapeldun Gipuzkoako Eskolartekoan

Gipuzkoako Eskolarteko Txapelketako finala jokatu zen atzo Azpeitian, Gipuzkoako Bertsozale Elkartea eta Ikastolen Elkartearen eskutik. Elikagunean 175 lagun bildu zituen ekitaldiak eta giro beroan aritu ziren zortzi bertsolariak kantari: Kattalin Arabolaza, Egiar Otegi, Adei Urbitarte, Suhar Gesalaga, Joanes Azpillaga, Sustrai Goenaga, Maddi Lasa eta Danel Etxeberria, Imanol Artola Felixek gaiak jarrita.



Egiar Otegi oiartzuarrak irabazi zuen eta Suhar Gesalaga gelditu zen bigarren. Biak izango dira Gipuzkoako ordezkari Euskal Herriko finalean.

Informazio gehiago, txapeldunaren hitzak eta bertsoak datorren astean Bertsoa.eus-en.