Juan Ramon Alberdi azkoitiarrak eskuratu zuen bigarren saria 2025-07-07

Iñigo Legorburuk irabazi du IV. Hike Eizan! bertsopaper sariketa Azkoitian

Erredakzioa

Iñigo Legorburu bertso-jartzaileak irabazi berri du IV. Hike Eizan! bertsopaper lehiaketa Elkar ezagutuz lanagatik. Bigarren saria Juan Ramon Alberdi azkoitiarrak eskuratu zuen, Justizia lana tarteko. Helduen mailako Azkoitia saria Naia Arrizabalagak jaso zuen iaz bezala, Begi bustiei bertso sortagatik.

15 eta 18 urte bitarteko gazteen mailan, Oier Juaristi azkoitiarrak jaso zuen lehen saria, Gure euskara zaharra bertsoengatik. 14 urte arteko umeen mailan, azkenik, Errezilgo Mikel Zabalaren sortak jaso zuen epaimahaiaren saria, Errezilen galduta bertsoengatik. Haurren mailako Azkoitia saria, berriz, Nora Arrizabalagak jaso zuen, Zaindu naunelako bertso sortarekin.

Ana Azkoitia alkateak, Marijose Arregi Euskara zinegotziak eta Xabier Eizagirre Hike eizan! lantaldeko kideak hartu zuten parte sari banaketan. Irakurri hemen saritutako sorta guztiak.



Ohi gisa, saribanaketa aurre Hika bertso jaialdia izan zen: Eneritz Artetxe, Aitor Mendiluze, Oihana Iguaran eta Jesus Mari Irazu aritu ziren kantuan, Haritz Alberdik gaiak jarrita.