Eki Mateorena Zozaia - Nafarroako finalista 2025-11-24

«Nire helburua da finalean oholtzan presente egotea»

Jexux Mari Irazu

Eki Mateorenak Nafarroako Txapelketako bere lehenengo finalean kantatuko du 20 urterekin. Leitzarrak helburu nagusitzat hartu du finalean oholtzan «presente» egotea eta ale onak uztea. Ilusio handiz hartu du Nafarroa Arenan kantatzeko aukera eta uste du bertsoa lantzen jarraitzeko beste pizgarri bat gehiago izango dela. Finala nola ikusten duen, finalisten argazkiak iradokitzen diona, helburuak eta final honek beretzat zer duen berezi galdetu diogu.