Arantza Plaza Zamora - txapel emailea Bizkaiko finalean 2025-12-11

«Ikasleak eta lankideak nirekin egongo dira txapela emateko unean»

Arantza Plaza Zamorak jantziko dio aurten txapela Bizkaiko txapeldunari transmisioan egin duen lanagatik. Finalaren aurkezpenean Plazak gonbidapena jaso zueneko unea deskribatu zuen modu hunkigarrian. Adierazi zuen barru-barrutik emandako baietza izan zela, momentuan bertan etorritako ikasleen eta lantaldearen irudiak gurutzatuta. Eskertu du Bertsozale Elkartearen aitortza eta balioan jarri du bertsolaritzak jarraitzen duela gazteengana iristen.