Jon Abasolo Sarralde - Bizkaiko Eskolarteko txapeldunordea 2026-06-02

«Eskolartekoan saio onak joan dira eta finala ere borrokatua izan da»

Jexux Mari Irazu

Jon Abasolo bertsolari munitibartarrak Bizkaiko Eskolarteko txapeldunorde izatea lortu zuen larunbatean Aulestin eta, Bizkaiko ordezkari izango da Euskal Herriko finalean, Iradi Barrenetxea txapeldunarekin batera. Abasolok aipatu du Eskolarteko saioak onak izan direla eta finala ere borrokatua izan dela. Euskal Herriko bere lehen finalera gogotsu joango dela dio.