Eskolarteko Bertsolari txapelketak 2026-06-02
Gazte Xilabako finala igandean Itsasun
Finalistak: Unax Aizpurua, Nahia Etxeberri, Gana Berhokoirigoin, Amaiaur Aizpuru, Johane Larre eta Leina Alkhat. Herrialdeetako azkena izango da eta hor argituko da Euskal Herriko finalisten zerrenda.
Jexux Mari Irazu
Gazte Xilabako finala jokatuko da igande honetan Itsasun, sei bertsolari gazte kantuan direla: Unax Aizpurua, Nahia Etxeberri, Gana Berhokoirigoin, Amaiaur Aizpuru, Johane Larre eta Leina Alkhat. Joane Larre izango da finalista berria, gainerako bostak badakite Gazte Xilabako finalean kantatzea zer den. Iaz, Nahia Etxeberrik jantzi zuen txapela eta Unax Aizpurua gelditu zen bigarren. Saratarrak Euskal Herriko txapela jantzi zuen ondoren.
Euskal Herriko Eskolarteko finala Itsasun argituko da
Euskal Herriko Eskolarteko finala erabakitzeko Gazte Xilaba bakarrik falta da. Nafarroa, Gipuzkoa, Araba eta Bizkaiko ordezkariak erabakita daude, beraz, Itsasun argituko da Arantzan ekainaren 13an jokatuko den finalean kantatuko dutenen zerrenda osoa. Maia Ortiz de Zarate eta June Astegieta Arabatik; Kattin Madariaga eta Kattalin Lizarraga Nafarroatik; eta Adei Urbitarte eta Kattalin Arabolaza Gipuzkoatik. Iradi Barrenetxea eta Jon Abasolo Bizkaitik.
Albiste gehiago
EHBT26 2026-10-24
Amets Arzallus eta Beñat Gaztelumendi Plazaolako treneko lehen bagoira igo dira
Igotz Alkorta Irastortza
