III. edizioa aurten 2026-06-19

Zortziko Txiki Txapelketa Amallon larunbatean

Jexux Mari Irazu

Markina-Xemeingo Amallo auzoan III. Zortziko Txiki Txapelketa egingo dute larunbatean, afaloste giroan. Maialen Lujanbio, Andoni Egaña, Oihana Bartra eta Xabat Galletebeitia ariko dira kantuan, Joseba Sololuzek aurkeztuta. Berez, ohiko jaialdi gisa planteatzen dute antolatzaileek. Ez du txapelketa formaturik. Lehen agurretik azken agurrerako bertsoak zortziko txikian izatea da berezitasuna, gai narratibo, serio, edo umorezkoak, denak zortziko txikian, eta doinu desberdinetan. Beraz, Zortziko Txiki Txapelketak zortziko txikiaren erregistro eta doinutegi zabalaz gozatzeko aukera emango die Amallora biltzen diren bertsozaleei. Aurreko bi edizioak Nerea Ibarzabalek irabazi ditu.