bertso agenda 2026-07-07

Sanferminetako saioak gaur Lesakan, Iruñean eta Azkaraten

Jexux Mari Irazu

Bertsoa ere gorriz eta zuriz jantziko da gaur Sanferminetarako. Iruñean, Lesakan eta Azkaraten izango dira urteroko hitzorduak. Lehenbizikoa Araiz bailarako herrian. Urtero gisa, uztailaren 7an egun osoz aritzen dira bertsolariak Azkaraten, eguerditik hasita. Aurten Xebastian Lizaso eta Aitor Mendiluze ariko dira.

Ondoren, Lesakan eta Iruñean izango dira bertsoak, 19:00etan. Lesakakoa beti egun eta ordu jakinean da: uztailaren zazpian, arratsaldeko zazpietan, plazan. Bertsotan, Andoni Egaña, Xabat Illarregi, Maialen Lujanbio, Maddi Ane Txoperena eta Ekhiñe Zapiain. Gai-jartzaileak: Josu Txoperena ariko da. 

Iruñean, hainbat saio izango dira Sanfermin bueltan gaurtik hasita. Jaialdiak aurten San Jose plazan izango dira, Sarasate pasealekua obretan baita. Gaur,  Saioa Alkaiza, Sustrai Colina, Bittori Elizalde eta Sarai Robles ariko dira, Ainhoa Larretxeak gaiak jarrita.

Uztailaren 9an, 19:00etan: Miren Artetxe, Xabat Illarregi, Mikel Lasarte eta Andoni Rekondo. Gai-jartzailea: Iratxe Legarra

Uztailaren 11an, 19:00etan, "Ez da kasualitatea" bertso saio musikatua: Irantzu Idoate, Kattin Madariaga eta Maddi Ane Txoperena. Gai-jartzailea: Maialen Belarra. Musikariak: Araitz Bizkai eta Oihana Landa. 


Uztailaren 12an, Zaldiko Maldikoren bertso poteoa, 12:00etan hasita: Sustrai Colina eta Maddi Ane Txoperena ariko dira kantuan.