Uztailaren amaieran 2026-07-20

Hiru jaialdi eta Bertso Maratoia Algortako jaietan

Bertsoak bere tokia izan ohi du herriko jai gehienetan eta Algortako Saninazio jaietan ziklo oso bat izaten da, ALBEren eskutik: hiru jaialdi eguerdian Kasino plazan eta bertso poteo luzea, Bertso Maratoia izena hartu duena. 

Uztailaren 30, 31 eta abuztuaren 2an izango dira saioak. Lehenbizikoan, uztailaren 30ean, Kerman Diaz, Joanes Illarregi, Maddalen Arzallus eta Aitor Etxebarriazarraga ariko dira kantuan Kasiko plazan, 13:00etan. 

Uztailaren 31n, Unai Mendiburu, Maider Arregi, Onintza Enbeita eta Igor Elortza. Egun berean, Bertso Maratoia izango da arratsaldean, Igor Elortza eta Onintza Enbeitarekin.

Zikloa amaitzeko, abuztuaren 2an, Jone Uria, Saioa Alkaiza, Maialen Lujanbio eta Nerea Ibarzabal ariko dira kantuan. 

Eskualdean beste hainbat jaialdi ALBEren eskutik
Algortako Bertsolari Eskolak eskualdean ere hainbat bertso ekitaldi antolatzen ditu. Hala, Gorlizko jaietan saioa izango da uztailaren 28an, Elizako plazan 20:00etan: Paule Loizaga, Julio Soto, Irantzu Idoate eta Unai Iturriaga. 

Abuztuan, berriz, Erromoko jaietan, Astrabuduan, Erandion eta Algortako Portu Zaharreko jaietan izango dira bertsoak ALBEren eskutik.