700 entzule elkartu ziren 2010-01-07

Giro bikaina izan zen Oñatiko jaialdian

 Errege bezperan bertso-jaialdia egiten da urtero Oñatiko pilotalekuan. Aurtengoan honako bertsolari hauek kantatu zuten:

 Maialen Lujanbio
 Andoni Egaña
 Beñat Gaztelumendi
 Uxue Alberdi
 Amets Arzallus
 Aitor Mendiluze

 Egoitz Aizpuru aritu zen gai-jartzaile lanetan. Era guztietako ariketak jarri zizkien bertsolariei. Hasieran Oñatiko bertso-eskolako kideek opari bana egin zieten bertsolariei: txokolate-tableta bana, azalean beren argazki eta guzti. Opariari bertso bana bota ondoren, ofiziotan hasi ziren bertsolariak. Binakako ariketez gain, hirunaka ere aritu ziren. Maialen Lujanbiok bakarka kantatu zion orain dela bi urte izan zuen kotxe-istripuari. Egañak ere bakarka kantatu zuen. Egaña bera, Gaztelumendi eta Arzallus hirunaka aritu ziren, Uxuek izan behar zuen haurra norena zen erabakitzeko. Puntu-erantzunetan aritu ziren Gaztelumendi eta Mendiluze ere. Azkenik, puntutan bukatu zuten saioa. Mikrofono batek arazo dezente sortu zituen, eta horri buruz kantatu zuten.

 Azkenean ordu t`erdi inguruko jaialdia osatu zuten. 700 bat lagun elkartu ziren pilotalekuan. Saioa hamar minutuko atzerapenez hasi bazen ere, giroa aparta izan zen.

• 
•