John Foley elkarrizketatuko du Joxerra Garziak 2010-01-07

Kopla txapelketa emango du Hitzetik Hortzerak

Aste honetan itzuliko da Hitzetik Hortzera pantailetara, bi asteko oporraldiaren ondoren. Aste honetan Zarauzko Putzuzulo gaztetxean egin zen Kopla Txapelketak beteko du tarterik luzeena. Honako bertsolari hauek kantatu zuten bertan: Manex Agirre Andoni Egaña Estitxu Eizagirre Igor Elortza Arkaitz Estiballes Arrate Illaro Maialen Lujanbio Luis Otamendi Julio Soto Aitor Urbieta Julio Sotok lortu zuen zintzarria, Estitxu Eizagirrerekin buruz buru aritu ondoren. Kopla txapelketaz gain beste zenbait eduki ere eskainiko ditu aste honetako programak. Joxerra Garziak John Miles Foley elkarrizketatuko du. Foley Missouri-Columbia unibertsitateko irakakazlea eta Oral Tradition aldizkariaren sortzailea da. Ahozkotasunean munduan dagoen aditurik handienetakoa da, eta Txapelketa Nagusiko finala bertatik bertara gozatzeko etorri zen Euskal Herrira. Horrez gain, Lizarrako Remontival ikastetxeko haurrek eguberriei buruzko koplak kantatuko dituzte. Artxiboko errepasoan Joxe Agirre agertuko da puntu erantzuten eta zuri-beltzekoan, berriz Xalbador. Bertsozaleek Ibai Esoain, Amaia Agirre eta Iñaki Gurrutxagak Txerrimuño etxe okupatuan egindako saioa bidali dute. Urte berriarekin batera aldaketa bat izan du programak. ETB3n ostegunetan izango da, orain arte bezala, gaueko 22etan. Dena den, asteburuetan igandeetara pasa dute ETB1eko emisioa, bazkalostean.

• 
•