Donostian 2010-01-26

Gaur aurkeztuko da Bertso Eguna

 Larunbat honetan ospatuko da Bertso Eguna Donostian. Egun osoan zehar hainbat ekintza izango dira bertan. Goizean Alde Zaharrean ibiliko dira bertsolariak. Arratsaldean, 18etatik aurrera, ekitaldi nagusia egingo da Kursaalean. Aurtengoak "Hustubetehustu" du izenburua, eta Jorge Oteizari eskeinia egongo da. Bere pentsamendua izango da ekitaldiaren oinarri.

 Ekitaldiaren ondoren afaria egingo dute Kursaalean bertan. Eta, urtero bezala, afariaren ostean bertsoak izango dira berriro. Sarrerak salgai daude interneten.

 Dena den, Bertso Egunari buruzko xehetasun guztiak azaltzeko, gaur izango da aurkezpen ofiziala, Donostiako Victoria Eugenian. Andoni Egañak hitz egingo du Bertsozale Elkartearen izenean. Berarekin batera izango dira Denis Itxaso (Donostiako Udalaren ordezkaria) eta Mikel Irizar (Kutxaren ordezkaria). Bertan azaldutakoaren berri emango dizuegu.

• 
•