Kaldarapekon 20etan 2010-01-28

"Mende baten aldarriak, XX.ean jarriak" Bilbon izango da gaur

 Xabier Amuriza eta Jon Maiak ikuskizun berezi bat daukate martxan: "Mende baten aldarriak, XX.ean jarriak". XX. mendean bertsoa garaiko egoera politiko eta sozialaren isla izan da. Ikuskizun honen bidez lekukotza hori nola eman izan den erakutsiko dute. Horretarako hainbat bertsolariren bertsoak kantatuko dituzte: Agirre, Alkain, Arrese-Beitia, Azpillaga, Basarri, Elizanburu, Enbeita Kepa, Etxahun Iruriko, Etxeita, Lazkao Txiki, Lopategi, Markano, Otaño, Otxalde, Iturzaeta, Txirrita, Uztapide, Xalbador, Yanzi...

 Adin guztietako entzuleei zuzendutako emanaldia da honako hau. Ordu eta erdi inguru irauten du. Gaurkoan Bilbon izango dira, Kaldarapekon, iluntzeko 20etatik aurrera. 

• 
•