Zizurkilgo haurrak agertuko dira kopletan 2010-02-03

Hitzetik Hortzerak Bertso Eguna emango du aste honetan

 Aste honetan ere Hitzetik Hortzera ikusi ahal izango da telebistan. Ostegunean ETB3an emango dute, gaueko 22etan. ETB1en, berriz, igandean izango da, eguerdiko 15etan.

 Aste honetan Bertso Egunak izango du protagonismo nagusia. Larunbatean ospatu zen, Donostian. Arratsaldean izan zen ekitaldi nagusia Kursaalean. "Hustubetehustu" izenburupean, Jorge Oteizaren ideiak eta ekarpena izan zituen ardatz.

 Afalosteko saioa ere izango da ikusgai. Batetik Miren Amurizak eta Maddalen Arzallusek amei eskeinitako saioa ikusi ahal izango da. Eta, bestetik, Kopla Txapelketa.

 Gainerako ataletan ere Bertso Egunak izango du tarterik zabalena. Hala, zuri-beltzekoan 1970eko Bertsolari Eguneko ofizio bat emango dute. Zappingean, berriz, 2001eko Bertso Egunean afalostean izandako bertsoaldi bat ikusi ahal izango da.

• 
•