Euskadi Irratian 2010-02-05

Estitxu Arozenari egindako elkarrizketa larunbateko Hitza Jolas saioan

 Astebururo "Hitza Jolas" programa izaten da Euskadi Irratian, bertsoari eskainita. Xabier Sukiak aurkezten du saioa eta larunbat eta igandeetan izaten da, eguerdiko 14etatik 15etara.

 Aste honetan, larunbateko saioan Estitxu Arozena elkarrizketatuko dute. Urte batzuk Nafarroako Txapelketan parte hartu gabe igaro ondoren, aurten itzuliko da Estitxu. Larunbatean bertan kantatuko du. Estitxuk berak erantzungo dio puntuari "Bederatzikoan", eta Ioar Taintari jarriko dio. Ioar Tainta estrainekoz ariko da aurten txapelketan.

 Horrez gain, Aitor Sarriegik Bertso Egunean afalostean kantatutako bertso-jarriak ere izango dira entzungai. Azkenik, Santa Agedako koplei ere tartea eskainiko diete.

 Igandeko saioan bertsoaldi gehiago entzun ahal izango dira. Santa eskearen harira, Zazpi Eskaleren Kartoipeko ametsak kantua jarriko dute. Arbizuko hitzen esanahia asmatu nahiean Jon Maia eta Amets Arzallus Joxema Leitzaren aginduetara. Julio Sotok Zarauzko kopla txapelketan irabazitako zintzarria defendatu beharko du. Zeanuriko saioan Jon Maia sukaldari paperean ariko da.

• 
•