Goizeko 9:30etatik aurrera, zuzenean 2010-02-17

Gaur Josune Zabala elkarrizketatuko du Bertsoa.com-ek

 Bertsoa.com zuzeneko elkarrizketak egiten hasi zen joan zen astean. Hemendik aurrera astero zuzeneko elkarrizketa bat egingo du. Aste honetan Josune Zabala izango da elkarrizketatua.

 Josune Zabala Mintzolako zuzendaria da. 2008ko abenduan sortu zen Mintzola fundazioa. Bost patronoz osatua dago: Euskal Herriko Bertsozale Elkartea, Gipuzkoako Foru Aldundia, Villabonako Udala, Euskal Herriko Unibertsitatea eta Kutxa.

 2009ko maiatzean izendatu zuten Josune Zabala zuzendari. Orduan egin zion Bertsoa.com-ek lehenengo elkarrizketa. Bertan aipatzen zuen Mintzola "ahozkotasuna lantzen eta ikertzen dutenen arteko sare gisa" ikusten zuela. Euskal Herrian ahozkotasunaren inguruan zer ikertu den aztertu behar zela aipatzen zuen.

 Elkarrizketa hartatik aurrera egin du proiektuak, eta 2009ko azaroan egin zen aurkezpen ofiziala.

 Gaur egun Mintzolan zuzendaria eta idazkaria ari dira lanean.

 Elkarrizketa gaur goizean izango da, 9:30etatik aurrera, zuzenean Bertsoa.com-en. Nahi izanez gero galderak bidal ditzakezue helbide honetara: info@bertsoa.com

• 
•