Neguko Bertsopaper Lehiaketa 2010-03-14

Alaia Martin, Amaia Iturrioz eta Eneritz Eizmendi nagusitu dira

 Ostiralean banatu ziren Neguko Bertsopaper Lehiaketako sariak Beasainen, Usurbe aretoan. A mailan, 18 urtera artekoetan, bi irabazle izan ziren: Amaia Iturrioz "Larunbaten lausoa" lanarengatik eta Eneritz Eizmendi "Bizi nahi eta ezin" sortarengatik. Gainera, Gemma Urteagak goierritar onenaren saria jaso zuen "Betiko zirudiena desagerturik" lanari esker.

 B mailan, 18 urtetik gorakoetan, alegia, Alaia Martin oiartzuarra izan zen saritua, "Nota bat" sortarekin.

 Sari-banaketaren aurretik bertso-jaialdia egin zuten Beasainen. Arkaitz Estiballes, Jokin Sorozabal, Endika Igartzabal, Ainhoa Mujika, Beñat Gaztelumendi eta Jexux Mari Irazu jardun ziren kantuan. Iñaki Apalategik jarri zizkien gaiak.

• 
•