Eskolarteko Txapelketak 2010-05-10

Idatzizko kanporaketa jokatuko da gaur Bizkaian

  Aurrera doaz eskolarteko txapelketak. Aste honetan hainbat saio jokatuko dira.  Bizkaiko Eskolarteko Txapelketan Durangon, Gernikan, Trapagaranen eta Amorebieta-Etxanon egin ziren idatzizko kanporaketak. Gaur Bilboko Abusu ikastolan izango da zita. Ondoren, honako kanporaketa hauek jokatuko dira:

 MAIATZAREN 11n, ASTEARTEA
 Mungiako Larramendi Ikastolan

 MAIATZAREN 12an, ASTEAZKENA
 Algortako San Nikolas Ikastolan

 FINALA Maiatzaren 14an egingo dute, ostiralez, Gernikako Seber Altube ikastolan. 15etan hasiko dira lanean. Sariak Kultur Etxean banatuko dituzte, 17:30etan.

 Bat-batekoetan hiru kanporaketa jokatuko dituzte, kategoria bakoitzeko bat:

 MAIATZAREN 25a, ASTEARTEA
 Bermeoko Eleizalde Ikastolan
 14 urte artekoak, arratsaldeko 15etan hasita

 MAIATZAREN 26a, ASTEAZKENA
 Markinako Kultura Aretoan
 15-16 urte artekoak, arratsaldeko 15etatik aurrera

 MAIATZAREN 27a, OSTEGUNA
 Ondarroako Zubi Zahar Ikastolan
 17-18 urtekoak, arratsaldeko 15etan

 FINALA Ekainaren 4an egingo dute, Bilboko Indautxuko "El Carmen" aretoan, goizeko 11etan hasita.

 Nafarroako Eskolarteko Bertsolari Txapelketa apirilaren 30ean hasi zen idatzizkoen atalean. Berako Kultur Etxean egin zuten lehenengo kanporaketa eta Altsasuko Iortia Kultur Etxean bigarrena. Bihar Iruñeako Gurutze Plazako Institutuko Areto Nagusian egingo da saioa. Ondoren, honako kanporaketa hauek egingo dituzte:

 MAIATZAREN 12an, ASTEAZKENA
 Elizondoko Kiroldegian

 MAIATZAREN 26an, ASTEAZKENA
 Leitzako zineman

 Saio guztiak goizeko 10:30etan hasiko dira.

 Bat-batekoen atalean bi kategoria bereizi dituzte. 14 urte artekoek 4 kanporaketa jokatuko dituzte. Lehenengoa apirilaren 30ean jokatu zuten, Beran. Honako hauek dira ondorengoak:

 MAIATZAREN 11n, ASTEARTEA
 Iruñean, Gurutze Plazako Institutuko Areto Nagusian

 MAIATZAREN 12an, ASTEAZKENA
 Elizondoko Kiroldegian

 MAIATZAREN 26an, ASTEAZKENA
 Leitzako zineman

 Finala Ekainaren 5ean egingo dute, larunbatez, Larraintzarreko Eskolan. Egun horretan Bertso Eskolen Eguna ospatuko dute. 20 gaztetxok hartuko dute parte finalean.

 14 eta 18 urte artekoek, berriz, ez dute kanporaketarik jokatuko. Finala maiatzaren 28an egingo dute, Berako Kultur Etxean, arratsaldeko 18etan.

 Gipuzkoako Eskolarteko Txapelketan  oraindik honako kanporaketa hauek daude jokatzeko:

 MAIATZAREN 14an, OSTIRALA
 Arrasateko Arizmendi Ikastolako Gaztelupe gunean

 MAIATZAREN 21ean, OSTIRALA
 Ordiziako Jakintza Ikastolan eta Herri Antzokian

 FINALA maiatzaren 28an izango da, ostiralez, Lezoko Bekoerrota Udal Kiroldegian.

 Iparraldeko Bertsolari Gazteen Xapelgoa ere aurreratua dago. Gaztetxoek bi kanporaketak jokatu dituzte jada. FINALA ekainaren 3an egingo dute, ostegune, Hazparneko Mendealan, goizeko 10:30etan hasita.

 Gazteek ere bi kanporaketa jokatuko dituzte:

 MAIATZAREN 15a, LARUNBATA
 Baigorriko Bixentenian, arratsaldeko 16etan
  Gillen Negueloua
  Mattin Luku
  Bixente Luku
  Bixente Hirigarai
  Maiana Irigoien
  Allande Etxeberri

 MAIATZAREN 22a, LARUNBATA
 Azkaingo Gaztetxean, arratsaldeko 16etan
  Maddi Ane Txoperena
  Ximun Cazaubon
  Txomin Elosegi
  Mikel Cherbero
  Ortzi Murua

 FINALA maiatzaren 29an jokatuko dute, larunbatez, Baionako Kalostrapen, arratsaldeko 17:30etan.

 Arabako Eskolarteko Txapelketa ere laster hasiko dira. Aurtengoan 24 gazte eta 15 haurrek eman dute izena. Kanporaketak bi egunetan jokatuko dira. Maiatzaren 15ean Agurainen izango da hitzordua. Maiatzaren 21ean, berriz, Gasteizen, Amurrion eta Aramaion egingo dituzte saioak.

 FINALA maiatzaren 29an egingo dute, larunbatez, Legution. Egun horretan Arabako Bertso-Eskolen Eguna ospatuko dute bertan, eta horren barruan kokatu dute. Honako hau izango da egitaraua:

  -10:30etan: Txikien taldekako finala Kultur Etxean, Gasteiz, Aramaio eta Legutioko bertso-eskolen artean.
  -14etan: Bertso-eskolen bazkaria herriko plazan
  -17etan: Handien mailako finala kultur etxean

 Euskal Herriko Eskolarteko Bertsolari Txapelketako FINALA, berriz, Agurainen egingo da, EKAINAREN 19an. Harresi aretoan izango da saioa. Haurrak goizetik ariko dira, 11etan hasita. Gazteek, berriz, eguerdiko 15:30etan ekingo diote lanari.  

• 
•