"Plazatik Gaztetxera" sariketa 2010-05-10

Beñat Iguaran sailkatu da finalera

 Joan zen ostiralean hasi zen "Plazatik Gaztetxera" sariketa. Debako Gaztetxean jokatu zen lehendabiziko saioa. Honako bertsolari hauek aritu ziren kantuan:

 Beñat Iguaran
 Asier Azpiroz
 Hodei Iruretagoiena
 Ander Solozabal
 Maddi Gallastegi
 Irati Erkizia

 Saio puntuagarriaren ondoren, epaileek Beñat Iguaran zeukaten lehenengo postuan. Publikoak, ordea, Asier Azpiroz aukeratu zuen. Gauzak honela, bien artean buruz burukoa jokatu zuten. Beñat Iguaran izan zen nagusi azkenean. Beraz, zuzenean sailkatu da ekainaren 5ean Mutrikun jokatuko den finalerako. Gainerakoek puntuazioen zain egon beharko dute.

 Hurrengo kanporaketak Soraluze, Mendaro eta Elgoibarko gaztetxeetan jokatuko dira, maiatzaren 14, 21 eta 28an hurrenez hurren. Afaria 20:30etan izango da eta saioa 22:30etan.

• 
•