Azken Portuko II Literatura Astearen Barruan 2010-05-11

Maialen Lujanbiok hitzaldia emango du gaur

 Azken Portuko Literatura Astea ospatzen ari dira egun hauetan Zarautzen. Atzo Anari Alberdik "Abestien gainean eta azpian" izeneko hitzaldi akustikoa eman zuen. Gaur Maialen Lujanbioren txanda izango da. "Bertsoaren lantegia" izango da hitzaldiaren izenburua. Azken Portun izango da ekitaldia, Kristau Biltoki Zaharrean, iluntzeko 20etan hasita.

 Gaurkoa ez da aste honetako azkeneko hitzaldia izango. Bihar Andu Lertxundi ariko da "hitza irudi bihurtu zen: zineman izan dudan esperientzia" izeneko hitzaldia ematen. Etzi, azkenik, Ander Lipusen txanda izango da eta "pertsonatik pertsonaiara" da bere hitzaldiaren izenburua.

• 
•