Hainbat saio egingo dira 2010-05-15

Baserritarren eguna da gaur

 San Isidro eguna da gaurkoa, Baserritarren eguna. Aitzakia horrekin, hainbat saio egingo dira.

 Irunen San Marzial auzoan izango da saioa eta Mikel Mendizabal behintzat han aritzekoa da.

 Villabonan, Amasa auzoan, Jon Lopategi eta Anjel Larrañaga jardungo dira kantari egun osoan zehar.

 Hondarribian, berriz, Guadalupeko karpan, Beñat Lizasok eta Aitor Mendiluzek kantatuko dute egun osoan zehar.

 Astigarragan ere egun osoan ariko dira bertsolariak. Kasu honetan Andoni Egañak eta Sebastian Lizasok kantatuko dute.

 Amezketan bertso-poteoa egingo dute arratsaldeko 19etan hasita. Bixente Gorostidi eta Julio Sotok kantatuko dute.

 Azkenik, Usurbilen Ainhoa Agirreazaldegi eta Unai Muñoa ariko dira egun osoan zehar.

• 
•