Bizkaiko Eskualdetako txapelketak 2010-05-24

Milek Goiriena Uribe-Butroeko lehen txapelduna eta Oihana Bartra Bilboaldekoa, laugarrenez

Bizkaiko Eskualdetako bi final jokatu dira asteburuan, Uribe-Butroe eta Bilboaldekoa. Uribe-Butroekoa lehen finala zen, orain arte Uribe-Kostaren barruan baitzegoen. Mikel Goiriena izan da txapelduna, Olatz Ibarluzearen aurretik. Derioko Gurea aretoan jokatu zen finala honako sei bertsolari hauek kantari zirela: Peru Vidal, Beñat Vidal, Asier Legarreta, Olatz Ibarluzea, Mikel Goiriena eta Ortzi Garitano. Bernardo Mandalunizek egin zituen aurkezle lanak. Mikel Goirienak Karlos Ibarzabal Taket bertsoeskolaren sortzailearen eskutik jantzi zuen txapela, eta Bizkaiko txapelketarakosailkatu da zuzenean.

Uribe-Butroeko sailkapena
Mikel Goiriena       358,5
Olatz Ibarluzea      232
Ortzi Garitano        223
Peru Vidal             217,5
Beñat Vidal           216
Asier Legarreta    214,

Bilboaldean, berriz, honako sei bertsolari hauek aritu ziren kantari Arrigorriagako Lonbo aretoan: Irati Erkizia, Mikel Galarza, Eneko Piedra, Arkaitz Zipitria, Oihana Bartra eta Peio Ornazabal. Urtzi Urritikoetxea aritu zen aurkezle. Oihana Bartrak laugarrenez irabazi du txapela Karlos Molinuevo Arrigorriagako bertsoeskolaren sortzaileetako baten eskutik, eta Peio Ormazabal gaztea gelditu da bigarren. Bartra ere Bizkaiko txapelketan izango da.

Bilboaldeko sailapena
Oihana Bartra         403
Peio Ormazabal    218,5
Irati Erkizia              207,7
Arkaitz Zipitria        205
Mikel Galarza         199
Eneko Piedra        155