Plazatik Gaztetxera sariketa 2010-05-25

Odei Barroso ere finalean izango da

 Asteburu honetan bukatuko dira Plazatik Gaztetxera sariketako kanporaketak. Mendaron ostiralean hirugarren kanporaketa jokatu zuten. 60 bat gazte elkartu ziren. Aurtengoa izan da Mendaron saioa egin duten lehenengo aldia, eta giro polita sortu zen. Azkenean Odei Barroso nagusitu zen, 187,5 punturekin eta buruz burukoaren beharrik gabe, entzuleek eta epaileek bera aukeratu baitzuten lehenengo posturako. Honela gelditu zen sailkapena:

 1.- Odei Barroso      187,5 puntu
 2.- Eneritz Artetxe   184,5 puntu
 3.- Julen Sololuze    180 puntu
 4.- Peru Vidal        179,5 puntu
 5.- Ekaitz Samaniego  174,5 puntu
 6.- Olatz Ibarluzea   171,5 puntu

 Gauzak horrela, Odei Barroso, Beñat Iguaran eta Ander Lizarralde zuzenean sailkatu dira finalerako. Gainerakoek puntuazioen zain egon beharko dute. Honela dago sailkapena une honetan:

 1.- Ander Lizarralde      214 puntu (zuzenean sailkatua)
 2.- Beñat Iguaran         207 puntu (zuzenean sailkatua)
 3.- Odei Barroso          187,5 puntu (zuzenean sailkatua)
 4.- Asier Azpiroz         198 puntu
 5.- Hodei Iruretagoiena   193 puntu
 6.- Ander Solozabal       190,5 puntu
 7.- Aitor Urbieta         189 puntu
 8.- Ander Elortegi        186,5 puntu
 9.- Ekhi Erremundegi      186,5 puntu
 10.- Eneritz Artetxe      184,5 puntu
 11.- Julen Sololuze       180 puntu
 12.- Patxi Iriart         180 puntu
 13.- Peru Vidal           179,5 puntu
 14.- Eneko Beretxinaga    178 puntu
 15.- Ekaitz Samaniego     174,5 puntu
 16.- Maddi Gallastegi     173 puntu
 17.- Olatz Ibarluzea      171,5 puntu
 18.- Irati Erkizia        171 puntu

 Azkeneko kanporaketa ostiral honetan izango da, Elgoibarko Gaztetxean. Afaria 20:30etan hasiko da eta saioa, berriz, 22:30etan. Honako bertsolari hauek ariko dira bertan:

 Xabat Galletebeitia
 "Toko"
 Mikel Artola
 Mikel Olaizola
 Ane Labaka
 Izar Mendiguren

• 
•