Atzo jokatu zen Legution. 2010-05-30

Arabako eskolartekoan, Xabi Igoa txapeldun heldutan eta Aramaio umetan

Xabi Igoak irabazi du Arabako finala heldutan eta Ainhoa Comas bigarren. Biak izango dira Euskal Herriko finalean. Umetan, Aramaio txapeldun eta Peru Abarrategi eta Maddalen Arrausi izango dira Euskal herriko fianalean.

Egun osoko ekitaldia
Legution jokatu zen atzo Arabako eskolarteko txapelketako finala, arabako bertso-eskolen egunaren baitan. Bertan,  hiru bertso-eskola nor baino nor. Gasteizko bertso-eskolako gaztetxoak, Maddalen Arrausi, Gorka Arrausi, Ane Olano eta Beñat Olano;  Aramaiokoak, Jon Izaga, Peru Abarrategi eta Peio Arriolabengoa. Eta etxeko taldea, Legutioko bertso-eskolako 5 neskato: Uxue Rekalde, Naia Espinosa, Elena Etxabe, Aitziber Lopez, Iraia Etxebarria eta Haizea Vallecillo.
Taldean egindako agurren ostean talde bakoitzak egin beharreko lanak hauek izan ziren: Lau oinak emanda bina bertso talde bakoitzak, Azkenean Aramaioko taldeak eskuratu zuen  lehen postua, eta eskolarteko Euskal Herriko finalera sailkatu direnak Peru Abarrategi eta Maddalen Arrausi dira.

14:30Eetan herri bazkaria izan da herriko plazan. Arabako bertso-eskoletako 50 haur, gazte eta guraso batu dira bertan.
Bazkalostean bertso-eskolen arteko herri kirolak izan dira eta giroa aparta izan da.
17.00etan hasi da gazteen bat-bateko finala: Maialen Saez de Okariz (Gasteiz)Bingen Saiz (Arrizala), Amaia Lasaga (Gasteiz), Uxue Ruiz de Arkaute (Gasteiz), Xabi Igoa (Aramaio), Estitxu Saratxo (Legutio), Edurne Azkarate (Oion) eta Ainhoa Comas (Amurrio). Ofizioka zortziko nagusian eta zortziko txikian bina bertso, lau oinak eta hitzari bertso bana kantatu ostean bigarren fasera hiru gazte sailkatu ziren: Arrizalako Bingen Sainz, Aramaioko Xabi Igoa eta Amurrioko Ainhoa Comas.
Txapela Aramaiora joan da gaztetan ere, Xabi Igoak jantzi baitu.
Bigarren saria Ainhoa Comasentzat izan da eta biek ordezkatuko dute Araba Ekainaren 19an Agurainen ospatuko den Euskal Herriko eskolarteko txapelketako finalean.
Saioa amaituta Arabako bertsozale gazteen topaketak egingo dituzte Ubidean.
Asteburu borobila beraz, gaur Legution Arabar bertsolari gazteek izan dutena.